ඊයේ පෙරවරුවේ විද්‍යාලය වෙත පැමිණි ජනාධිපතිතුමා සිසු දරුවන් විසින් මහත් සෙනෙහසින් යුතුව පිළිගන්නා ලදී.
විද්‍යාලයේ 150 වන සංවත්සරය නිමිත්තෙන් පැවැත්වෙන අධ්‍යාපනික හා වෙළෙද ප්‍රදර්ශනය විවෘත කෙරුණේ ද ජනාධිපතිතුමා අතිනි. අනතුරුව ප්‍රදර්ශනය නැරඹීමට ද ජනාධිපතිතුමා එක් විය.
අමාත්‍ය රංජිත් සියඹලාපිටිය, සබරගමුව පළාත් ආණ්ඩුකාර මාර්ෂල් පෙරේරා, ප්‍රධාන අමාත්‍ය මහීපාල හේරත් යන මහත්වරුන් ඇතුථ පළාත් මැති ඇමතිවරු පිරිසක් ද, විදුහල්පතිනි හේමා වික්‍රමරත්න මහත්මිය සහ ආචාර්ය මණ්ඩලය, දෙමාපියන්, ආදි සිසුන් ඇතුථ පිරිසක් මෙම උත්සවයට එක්ව සිටියහ.
