සංක්‍රමණිකයින් හේතුවෙන් ශ්‍රී ලංකාව සෞඛ්‍ය අභියෝග රැසකට මුහුණ දී සිටියත්, අත්දැකීම් හා දැඩි අවධානය හේතුවෙන් රෝග රැසක් පාලනය කර ගැනීමට හැකි වූ බව සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා පවසයි.
කොළඹ ගලධාරී හෝටලයේ දී ඊයේ (21) ආරම්භ වූ "සංක්‍රමණික සෞඛ්‍ය පිළිබද ලෝක සමුළුව” අමතමින් සෞඛ්‍ය අමාත්‍යවරයා මෙි බව ප්‍රකාශ කළේ එහි ප්‍රධාන ආරාධිත අමුත්තා ලෙස සහභාගි වෙමිනි.
ශ්‍රී ලංකාවේ ක්‍රියාත්මක ජාතික සංක්‍රමණික සෞඛ්‍ය ප්‍රතිපත්තිය වර්තමාන ජනාධිපති මෛත්‍රිපාල සිරිසේන මහතා සෞඛ්‍ය අමාත්‍යවරයා ලෙස සිටි කාලයේ දී හඳුන්වා දුන් බවත් එම ප්‍රතිපත්තියෙන් සියලුම අංශ ආවරණය වන අතර, තොරතුරු රැසක් ද අන්තර්ගත වෙන බවත් අමාත්‍යවරයා පෙන්වා දුන්නේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
