මෙම අවස්ථාවට අග්‍රාමාත්‍ය රනිල් වික්‍රමසිංහ මැතිතුමා ප්‍රමුඛ මැති ඇමැතිවරු රැසක් සහභාගිවීමට නියමිතය.
මහවැලි සංවර්ධන ව්‍යාපෘතියේ අති දැවැන්ත ව්‍යාපෘතියක් වන මොරගහකන්ද කළුගඟ බහුකාර්යය සංවර්ධන ව්‍යාපෘතිය හරහා මාතලේ , අනුරාධපුර, පොලොන්නරුව යන දිස්ත්‍රික්කවල හෙක්ටයාර් 82,000ක් සඳහා යල මහ දෙකන්නයේ ජලය සැපයෙන අතර ම පවුල් 130,000කට තිරසර ආර්ථික ප්‍රතිලාභ හිමි වේ.
මෙම ජලාශය මගින් ඉදිවන කිලෝමීටර් 78ක ඇළ මාර්ගය ඔස්සේ හුරුළු වැව ප්‍රදේශයටත් අනතුරුව මහකනදරාව, මිහින්තලය , කැබිතිගොල්ලෑව ආදි ප්‍රදේශ දක්වාත් වාරි ජලය සැපයෙන අතර වාර්ෂික ව මෙට්‍රික් ටොන් 3000කට අධික මිරිදිය මත්ස්‍ය අස්වැන්නක් ලබාගැනීමට ද බලාපොරොත්තු වේ.
එමෙන් ම වාර්ෂික ව විදුලි නිෂ්පාදනය සඳහා වැයවන ඉන්ධන පිරිවැය රුපියල් මිලියන 336ක් ඉතිරි කරමින් මෙගා වොට් 25ක විදුලිබල ධාරිතාවක් ද ජාතික විදුලිබල පද්ධතියට එක්වෙනු ඇත. අනුරාධපුර, පොලොන්නරුව හා ත්‍රිකුණාමලය දිස්ත්‍රික්ක සඳහා පානීය ජල පහසුකම් ද සැපයෙනු ඇත.
ඇමෙරිකානු ඩොලර් මිලියන 1400කට අධික ආයෝජනයක් වන මොරගහකන්ද කළු ගඟ බහු කාර්යය සංවර්ධන ව්‍යාපෘතිය ජනාධිපති මෛත්‍රීපාල සිරිසේන මැතිතුමා කෘෂිකර්ම අමාත්‍යවරයාව සිටි 2007 වසරේ දී ආරම්භ කොට ඇත.
