තනාපතිවරයා පෙන්වා දී ඇත්තේ, මේ වන විට මත්ස්‍ය අපනයනයට අදාළව ආයෝජන කටයුතු තම රට තුළ සිදු කිරීමට ශ්‍රී ලංකාවට අවස්ථාව උදාවී ඇති බවයි.
තානාපති Thorbjørn Gaustadsætherමහතා මේ බව කියා සිටියේ පසුගියදා මුදල් අමාත්‍ය රවී කරුණානායක මැතිතුමා සමග මුදල් අමාත්‍යාංශයේ පැවැති හමුවක දී ය.
ඇමරිකාවේ වොෂිංටන් නුවර පැවැති ජාත්‍යන්තර මූල්‍ය අරමුදලේ සහ ලෝක බැංකුවේ අර්ධ වාර්ෂික සමුළුවට සහභාගී වූ අවස්ථාවේ නෝර්වේජියානු මුදල් ඇමැතිනී Siv Jensen සහ මුදල් අමාත්‍ය රවී කරුණානායක මහතා අතර විශේෂ සාකච්ඡාවක් පැවැති බවද මුදල් අමත්‍යාංශය පවසයි.
නෝර්වේ තානාපතිවරයා සහ මුදල් අමාත්‍යවරයා අතර අද මෙම හමුව පැවැත්වුණේ එහි ප්‍රතිඵලයක් ලෙසය.
එහි දී මුදල් අමාත්‍ය රවී කරුණානායක මහතා කියා සිටියේ, ගෙවීගිය වසරක කාලය තුළ ශ්‍රී ලංකාව ලෝකය හමුවේ පෙන්වා දුන් මූල්‍ය විනයල විනිවිධභාවයේ වැනි ධනාත්මක සාධකවල ප්‍රතිඵල ලැබෙමින් පවතින බවයි. යුරෝපා සංගමය මත්ස්‍ය අපනයනය සම්බන්ධයෙන් පනවා තිබූ තහංචි ඉවත් කිරීම ශ්‍රී ලංකාවේ ආර්ථික ක්‍රියාවලියට මහත් ශක්තියක් බව ද හෙතෙම කියා සිටියේ ය.
මෙහි දී නෝර්වේ තානාපතිවරයා පෙන්වා දුන්නේ ශ්‍රී ලංකාව සහ නෝර්වේ රාජ්‍ය අතර වෙළෙඳ සහ වාණිජ කටයුතු වර්ධනය කර ගැනීම සඳහා හැකි උපරිමයෙන් ක්‍රියාකරන බවයි. ශ්‍රී ලංකාව තුළ පවතින යහපත් දේශපාලන ප්‍රවණතාවය හමුවේ විදේශ ආයෝජනයන් තව තවත් ශක්තිමත් වනු ඇති බව ද තානාපතිවරයා පෙන්වා දුන් බව මුද්ල අමාත්‍යාංශය කියයි.
