දින 100 යටතේ උපරීම රුපියල් ලක්ෂ දෙකක වටිනාකමකට උකස් කර ඇති රන් භාණ්ඩ සඳහා ගෙවිය යුතු අධික පොලිය හා දඩ මුදල් කපා හැරීමේ වැඩසටහන මේ වන විට ක්‍රියාත්මක කර තිබෙන බවත් එහිදී මේ වන විට පුද්ගලයින් 5652 දෙනෙකුට සහන හිමි වී තිබෙන බවත් ජනාධිපති උපදේශක තිලක් රණවිරාජා මහතා පැවසීය.
ඒ සඳහා අදාළ චක්‍ර ලේඛය ද මේ වන විට නිකුත් කර තිබෙන බවත් එවැනි සහන ලබා නොදෙන්නේ නම් ඒ පිළිබඳව පාරිභෝගික අධිකාරය වෙත දැනුම් දිය හැකි බව ද ඒ මහතා පෙන්වා දුන්නේය.
මෙවැනි වැඩසටහන් නිසි පරිදි ක්‍රියාත්මක වන්නේද යන්න පිළිබඳව දත්ත රැස් කිරීමට කටයුතු කර තිබෙන බව ජනාධිපති ලේකම් පී.බී. අබේකෝන මහතා සඳහන් කළේය.
kpm
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
