5 වසර ශිෂ්‍යත්වය සමත් දරුවන් 909ක් සාමාන්‍ය පෙළ සමත් දරුවන් 1682 ක් සහ විශ්ව විද්‍යාල අධ්‍යාපනය හදාරන දරුවන් 272 දෙනෙකු වෙනුවෙන්ද මෙසේ ශිෂ්‍යත්ව පිරිනමා තිබෙන බව ඇය වැඩිදුරටත් සඳහන් කළාය.

අමාත්‍යවරිය මේ අදහස් පළ කළේ, කිලිනොච්චි සමුපකාර ගොඩනැගිල්ලේ පැවති උතුරු පළාත් විගමනික දූදරු ශිෂ්‍යත්ව වැඩසටහන සඳහා එක්වෙමිනි.

මෙහිදී උතුරු පළාතේ ශිෂ්‍යත්වලාභීන් 42 කු සඳහා ශිෂ්‍යත්ව ලබා දුන් අතර මෙහිදී 5 වසර ශිෂ්‍යත්වය සමත් 17ක් සහ සාමාන්‍ය පෙළ සමත් 19ක් සහ උසස් පෙළ සමත් දරුවන් 6ක් සදහා ශිෂ්‍යත්ව ලබා දුන් අතර  ඒ වෙනුවෙන් රු 815,000 ක් වැය කරන ලදී.

පහ වසර ශිෂ්‍යත්වය සමත් විගමණික පවුල්වල දුවා දරුවන් සඳහා රු 15,000ක් බැගින්ද  සාමාන්‍ය පෙළ සමත් දරුවන් වෙනුවෙන් රු20,000ක් බැගින්ද උසස් පෙළ සමත් දරුවන් වෙනුවෙන් රු 30,000 බැගින්ද මෙසේ ශිෂ්‍යත්ව ලබා  දී තිබේ.