කුවේටයේ ශ්‍රී ලාංකකියන් විසින් පිහිටුවාගෙන තිබෙන “කුවේට්- ශ්‍රී ලංකා එකමුතුව” මගින් සපයන ලද මුල්‍ය ප්‍රතිපාදන වලින් ශිෂ්‍යත්ව ප්‍රදානය සිදු කරන ලද්දේ රණවිරුසේවා අධිකාරිය සහ කුවේට් හි ශ්‍රී ලංකා තානාපති කාර්යාලයේ ද සහභාගිත්වයෙනි.
අට වැනි වරටත් කුවේට් - ශ්‍රී ලංකා එකමුතුව මගින් සංවිධානය කරනු ලැබූ මෙම ශිෂ්‍යත්ව ප්‍රදානෝත්සවය කොළඹ පොලිස් දෙපාර්තමේන්තු ශ්‍රවණාගාරයේ දී පැවැති අතර එයට එම එකමුතුවේ සංවිධායක ගාමිණී විජේරත්න සහ රණවිරුසේවා අධිකාරියේ අධ්‍යක්ෂ ආචාර්ය දොන් ඩොනල්ඩ් කුමාරසිරි ජයවර්ධන යන මහත්වරුන් ඇතුළු එහි නිලධාරීහුද ශිෂ්‍යත්වලාභී දූ දරුවන්ගේ දෙමාපියෝ ද සහභාගි වූහ.
