දකුණු කොළඹ ශික්ෂණ රෝහලේ දී පස් මස් ගැබිණි මාතාවක් ඩෙංගු රෝගය හේතුවෙන් මියයමේ සිද්ධියක් සම්බන්ධයෙන් වෛද්‍යවරුන් වෙත ඉදිරිපත්ව ඇති චෝදනා විමර්ෂණය කිරීම සඳහා වැඩබලන සෞඛ්‍ය සේවා අධ්‍යක්ෂ ජනරාල්වරයා විසින් ත්‍රිපුද්ගල කමිටුවක් පත් කර ඇති බව සෞඛ්‍ය අමාත්‍යාංශය සඳහන් කරයි.
නියෝජ්‍ය අධ්‍යක්ෂ ජනරාල් හේමන්ත බෙනරගම මහතාගේ සභාපතිත්වයෙන් යුත් එම කමිටුවට සෞඛ්‍ය අමාත්‍යාංශයේ ඩෙංගු මර්දන ව්‍යාපාරයේ ජාතික සම්බන්ධීකාරක වෛද්‍ය හසිත තිසේරා, අයි.ඩි.එචි ජාතික බෝවන රෝග විද්‍යායතනයේ ඩෙංගු රෝග විශේෂඥ වෛද්‍ය ආනන්ද විජේවික්‍රම යන මහත්වරුන් එම කමිටුවට ඇතුළත්.
ඉදිරිපත්ව ඇති චෝදනා විමර්ශණය කිරීමෙන් පසු ඒ පිළිබද වාර්තාවක් සෞඛ්‍ය අමාත්‍යාංශයට ලබාදෙන ලෙස සෞඛ්‍ය සේවා අධ්‍යක්ෂ ජනරාල්වරයා කමිටුවට දැනුම් දී ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
