ඒ අනුව, අද පෙරවරු 9 සිට පස්වරු 5 දක්වා මාලිගාවත්ත ප්‍රදේශයේ ප්‍රදීපා මාවත , ජුම්මා මස්ජිත් හන්දිය සිට සංඝරාජ වටරවුම දක්වා මාර්ගය වසා තැබෙනු ඇති.
පස්වරු එකේ සිට 6 දක්වා බේසලයින් මාර්ගය දෙමටගොඩ හන්දියේ සිට බොරැල්ල හන්දිය දක්වා ත්නාරාහේන්පිට හන්දියේ සිට හයිලෙවල් පාර දක්වා ත් වසා තැබෙනු ඇති.
අද පස්වරු 2 සිට 6 දක්වා හයිලෙවර් මාර්ගයය ස්ටැෆර්ඩ් වර්ණ සංඥා පුවරු වල සිට හැව්ලොක් පාර,ඩික්මන් පාර වර්ණ සංඥා පුවරු දක්වා වසා තැබීමට නියමිත ය.
මධ්‍යහන 12.30 සිට පස්වරු 3 දක්වා පාර්ක් පාර බේස්ලයින් පාර, සරණපාර හන්දියේ සිට පරණ පාර , ඇන්ඩර්සන් නිවාස හන්දිය දක්වා වාහන ගමනා ගමනයට වසා තැබෙන බව පොලීසිය සඳහන් කළේ ය.
මේ අතර තව ත් මාර්ග රැසක වාහන ගමනා ගමනය සීමා කිරීමට ද තීරණය කර තිබේ.
ඒ අනුව, මාර්ග අංක 138 පිටකොටුව, මහරගම, කොට්ටාව, හෝමාගම සහ හයිලෙවර් මාර්ගයේ දුර ගමන් සේවා බස්රථ සඳහා දහවල් 12 න් පසුව විකල්ප මාර්ග හඳුන්වා දී තිබේ.
එම බස් රථ තුන්මුල්ල , බෞද්ධාලෝක මාවත , කනත්ත වටරවුම, බෙස්ලයින් පාර, නාරාහේන්පිට, නාවල හන්දිය , නුගේගොඩ සහ හයිලෙවර් මාර්ගය භාවිත කළ යුතු ය.
මාර්ග අංක 120/125 හොරණ, කැස්බෑව, පිළියන්දල, ඉංගිරිය බස්රථ තුන්මුල්ල, බෞද්ධාලෝක මාවත, ඩුප්ලිකේෂන් පාර , ගාලු පාර, පැපිලියාන ඔස්සේ දෙහිවලින් පිළියන්දල පාරට යොමු විය යුතු බව පොලිස් මූලස්ථානය පවසයි.
මාර්ග අංක 154 කිරිබත්ගොඩ – අඟුලාන බස්රථ, කැලණි පාලම, බණ්ඩාරනායක වටරවුම, ඔරුගොඩවත්ත හන්දිය, වැල්ලම්පිටිය, කොලොන්නාව පාර , ඔබේසේකරපුර, කොටා පාර, කාසල්විදීය , බෞද්ධාලෝක මාවත, බම්බලපිටිය හා ගාලු පාර භාවිත කළ යුතු ය.
මාර්ග අංක 170 – 190 බස්රථ පිටකොටුව, සෙරමික් හන්දිය , ඩි.ආර්. විජේවර්ධන මාවත, ගාමිණි හෝල්, ටි.බි ජයා මාවත, ඉබ්බන්වල, සොයිසා වටරවුම, වෝඩ් පෙදෙස, බොරැල්ල හන්දිය සහ කොටා පාර විකල්ප මාර්ග ලෙස භාවිත කළ යුතු බව පොලිස් මූලස්ථානය නිවේදනය කරයි.
