භූමිකම්පාව හේතුවෙන් හානියට පත් වූ ස්වායම්බුනාත්හි ආනන්ද කුටි බෞද්ධ විහාරස්ථානයත්, ලලිට්පූර්හි රතෝමචින්ද්‍රනාත් හින්දු කෝවිලත් ප්‍රතිසංස්කරණය සඳහා තෝරාගෙන තිබේ.
ඒ අනුව එම ප්‍රතිසංස්කරණ කටයුතු සැලසුම් කිරීම සඳහා අදාළ නිලධාරීන්ගෙන් සහ තාක්ෂණ නිලධාරීන්ගෙන් සමන්විත කණ්ඩායමක් නේපාලය වෙත යැවීමටත්, අදාළ ඉදිකිරීම් කටයුතු ශ්‍රී ලංකා යුද හමුදාව වෙත පැවරීමටත්, එම ප්‍රතිසංස්කරණ කටයුතු සඳහා රුපියල් මිලියන 345ක ප්‍රතිපාදන බුද්ධශාසන අමාත්‍යාංශය වෙත වෙන් කර දීමටත් අමාත්‍ය මණ්ඩලයේ අනුමැතිය ලැබී තිබේ.
