මහනුවර, උඩුනුවර ලංකාතිලක ශ්‍රී විෂ්ණු දේවාලයේ බස්නායක නිලමේවරයා ලෙස අමුණුගම උඩවලව්වේ ප්‍රියන්ත අමුණුගම මහතා තෝරා පත්කර ගෙන ඇති අතර පෙරේදා (16) මහනුවර දිස්ත්‍රික් ලේකම් කාර්යාලයේ පැවති නිලවරණයේදී අමුණුගම මහතා එම තනතුර සඳහා නිතරගයෙන් තේරී පත් විය.
ප්‍රියන්ත අමුණුගම මහතා බස්නායක නිලමේවරයා ලෙස ජයන්ත හීන්කෙන්ද මහතා විසින් යෝජනා කළ අතර එය ස්ථිර කළේ සීවලී නුගේගොඩ මහතායි. ඒ අනුව ඉදිරි වසර පහක කාලයක් සඳහා උඩුනුවර ලංකාතිලක ශ්‍රී විෂ්ණු දේවාලයේ බස්නායක නිලමේවරයා ලෙස ප්‍රියන්ත අමුණුගම මහතා කටයුතු කරනු ඇත.
මෙම නිලවරණය සඳහා මහනුවර දිසාපති එච්.එම්. ගාමිණී සෙනෙවිරත්න හා මහනුවර බෞද්ධ කටයුතු කොමසාරිස් පරාක්‍රම ජයවර්ධන මහත්වරු ඇතුළු පිරිසක් සහභාගී වූහ.
NDH/TA-dmu kandy
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
