වන්නි ආරක්ෂක සේනා මූලස්ථානය යටතේ වන 62 වන සේනාංකයේ 4 වන සංවත්සරය වෙනුවෙන් ප්‍රථම වතාවට එක ම වේදිකාවක මල්ලව පොර, ජූඩෝ, මුෂ්ටි ප්‍රහාර, කරාතේ, වූෂු, තයිකොන්ඩු සහ දේශීය ක්‍රීඩාවක් වන අංගම්පොර ආදී බොහෝ අංගවලින් සම්පූර්ණ සටන් කලා සංදර්ශනයක් පසුගියදා පැවැත්විණි.
එය නැරඹීම සඳහා විශාල පිරිසක් ද සහභාගී වූහ. 62 වන සේනාංකයේ සේනාංකාධිපති, බ්‍රිගේඩියර් කේ.ජී.ඩී. පෙරේරා මහතාගේ ආරාධනය පිළිගෙන, වන්නි ආරක්ෂක සේනා මූලස්ථානයේ ආඥාපති මේජර් ජෙනරාල් බොනිෆස් පෙරේරා මහතා මෙහි ප්‍රධාන ආරාධිත අමුත්තා ලෙස සහභාගී විය.
පැමිණ සිටි සියලු සේනාංකාධිපතිවරුන්, බල සේනාධිපතිවරුන් මෙන් ම සිවිල් වැසියන් ද මවිතයට පත් කරමින් තම සහජ දක්ෂතාව සහ හැකියාවන් ඉදිරිපත් කළ මෙම තරගකරුවන් අතරින් ජයගත් ජයග්‍රාහකයන්ට කුසලාන පිරිනැමීම ද සිදු කෙරිණි.
NDH/army.lk
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
