රූකඩ නාට්‍ය ශිල්පීන්ගේ සේවාව අගයකිරීම සඳහා සෑම වසරකම මාර්තු 21 වන දින "ලෝක රූකඩ දිනය" ලෙස යුනෙස්කෝ සංවිධානය විසින් නම් කර ඇති අතර ශ්‍රී ලංකාවේ මුල්වරට ලෝක රූකඩ දින සැමරුම 2005 වසරේ පැවත්වා ඇත. එදා සිට අද දක්වාම වර්ෂයක් පාසා ලෝක රූකඩ නාට්‍ය දින සැමරුම උත්කර්ෂවත් ලෙස පවත්වනු ඇත.
මෙවර ලෝක රූකඩ දින සැමරුම් උළෙලේ දී දේශීය රූකඩ කලාව පිළිබදව විශේෂ දේශනයක් සෞන්දර්ය කලා විශ්වවිද්‍යාලයේ මහාචාර්ය ලයනල් බෙන්තරගේ මහතා විසින් සිදුකිරීමට නියමිත අතර ප්‍රවීණ රූකඩ නාට්‍ය ශිල්පීන් විසින් ඉදිරිපත් කරනු ලබන රූකඩ නාට්‍ය සංදර්ශනයක් ද පැවැත්වීමට නියමිතය.
සංස්කෘතික කටයුතු රාජ්‍ය අමාත්‍යාංශයේ මෙහෙයවීමෙන් සංස්කෘතික කටයුතු දෙපාර්තමේන්තුව හා ශ්‍රී ලංකා කලා මණ්ඩලයේ රාජ්‍ය රූකඩ රූපණ අනුමණ්ඩලය එක්ව මෙය සංවිධානය කරනු ලබයි.
NDH/TI-dmu matara
