අමාත්‍යවරයා මේ බව පැවසුවේ අද (11) පාර්ලිමේන්තුවේදී විසර්ජන පනත් කෙටුම්පත තෙවැනි වර කියැවීමේ කාරක සභා අවස්ථාවේ හත් වෙනි දින විවාදයට එක්වෙමිනි.

ධීවර හා ජලජ සම්පත් සංවර්ධන අමාත්‍යාංශයේ 139, 290 වැය ශීර්ෂයන් අද විවාදයට ගැනිණි.

යුරෝපා සංගමයේ තහනම පිළිබඳ ව ජනාධිපතිතුමා සියලු දෙනා කැඳවා කතා කළා. මේ තහනම ඉවත් කර ගැනීමට විදේශ කටයුතු අමාත්‍යාංශය එක් ව කටයුතු කරන බව ජනාධිපතිතුමා කිව්වා. ධීවර ජනතාවට විරෝධතා සිදු කළ අවස්ථාවේ එල්ල වූ ගල් ප්‍රහාර පිළිබඳ ව මා සතුටු වන්නේ නැහැ. එය අනුමත කරන්නෙත් නැහැ. එදා ධීවර ඇමැතිවරයා ලෙස මහින්ද රාජපක්ෂ මහතා ධීවර ජනතාව සමඟ සුහදව කටයුතු කළා. කලබලකාරී ජනතාවක් වුවත් ධීවර ජනතාව හොඳ ජනතාවක්. මේ අයට ජනතා විමුක්ති පෙරමුණේ අය කියනවා. ධීවර ජනතාවගෙන් බහුතරයක් කතෝලික ජනතාව. ඒ අය හොඳින් ආගම අදහන අය. කිසිම ජවිපෙ සමාජිකයෙක් නැහැ. ධීවර ජනතාව රට පුරා ම ඉන්නවා. සහෝදරත්වයෙන් කටයුතු කරනවා. මේ ප්‍රධාන ප්‍රශ්න විසඳීම සම්බන්ධයෙන් ජනාධිපතිතුමාට ස්තූතිවන්ත වෙන බව අමාත්‍යවරයා අවධාරණය කළේය.

NDH/HC