පාර්ලිමේන්තුවේ සියලු පනත් කෙටුම්පත් සම්මත වන ආකාරයට ම විසර්ජන පනත් කෙටුම්පත හෙවත් අය-වැය සම්මත වුණ ද එය අනෙක් කවර පනත් කෙටුම්පතකටත් වඩා වැඩි විශේෂත්වයක් දක්වයි.
නිදහස් ශ්‍රී ලංකාවේ අය-වැය ඉදිරිපත් කිරීම ආරම්භ වූ දා සිට ම ඒ දෙස රට ම බලා සිටින්නේ රටේ ජනතාව වෙනුවෙන් වැදගත් තීන්දු තීරණ එමඟින් ඉදිරිපත් වන බැවිණි.
එම අය-වැය ලේඛනය මඟින් ලබන 2015 වසරේ දී මේ රට ගෙනයන අන්දම අද ජනාධිපතිතුමා රටට හෙළිකරයි. එය දැනගැනීම සඳහා මුළු රට ම මේ වනවිට සූදානමින් සිටී.
ආණ්ඩු පක්ෂයේ මැති ඇමතිවරුන් මෙන් ම විරුද්ධ පක්ෂයේ මන්ත්‍රීවරුන් ද මේ වනවිටත් පාර්ලිමේන්තු සභා ගැබට පැමිණෙමින් සිටිති. සභාවේ ගැලරි සියල්ල ම විශේෂ ආරාධිතයන්ගෙන් පිරී පවතී.
මුදල් හා ක්‍රමසම්පාදන අමාත්‍යවරයා වශයෙන් අද පස්වරු 1.35ට පමණ ජනාධිපතිතුමා අය-වැය කතාව ආරම්භ කරනු ඇතැයි පාර්ලිමේන්තු ආරංචි මාර්ග සඳහන් කරයි.
HC/NDH
